स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०७८ कार्तिक ६, शनिबार (३ साल अघि)
बुद्ध घले, ६ कात्तिक, चौतारा । माओवादी केन्द्रको पकड क्षेत्र मानिने सिन्धुपाल्चोकको चौतारा साँगाचोकगढी नगरपालिका वडा नं ४ कुविण्डे नेकपा एमालेको वडाध्यक्षमा रुद्रप्रसाद सापकोटा निर्वाचित भएका छन् ।
शनिबार सम्पन्न वडा भेलाबाट सभामुख अग्निप्रसाद सापकोटाकै गाउँमा उनकै वंशजका सापकोटा एमाले अध्यक्ष बनेका हुन् ।
बागमती प्रदेशका पूर्व वन तथा पर्यटन मन्त्री एवम् प्रदेश सभा सदस्य सरेश नेपालको प्रमुख आतिथ्यतामा सर्वसम्मतका साथ ३१ सदस्यीय वडा कमिटि गठन भएको हो । उक्त भेलाले रुद्रप्रसाद सापकोटालाई अध्यक्षमा सर्व सम्मत चयन गरेको हो ।
कार्यक्रममा बोल्दै बागमती प्रदेशका पूर्व वन तथा पर्यटन मन्त्री एवम् प्रदेश सभा सदस्य सरेश नेपालले यो गाउँबाट सभामुख, केन्द्रीय सदस्य र मेयर समेतले प्रतिनिधित्व गरेता पनि विकास भने कछुवाकै गतिमा रहेकोले आफूले सक्दो पहल विकासका लागि गर्ने बताए । कार्यक्रम नारायणकाजी श्रेष्ठको सभाध्यक्षतामा कार्यक्रम सम्पन्न भएको थियो ।
0
