भीरबाट खस्दा दुई जनाको मृत्यु

सिन्धुपाल्चोकको इन्द्रावती गाउँपालिका ५ कोइरालाटारमा भीरबाट खस्दा एक महिला सहित बालककोे मृत्यु भएको छ । चौतारा सांगाचोकगढी नगरपालिका ७ सानुसिरुवारी घर भएकी ५५ बर्षिया गोमा धिताल र उनको बहिनीको छोरा मेलम्ची नगरपालिका ११ बस्ने ५ बर्षिय बिशेष चालिसेको भीरबाट खसेर खोलाले बगाउँदा मृत्यु भएको इलाका प्रहरी कार्यालय नवलपुरले जनाएको छ ।

मृतक महिला बालकको ठुलीआमा रहेको र उनीहरु इन्दावती गाउँपालिका १० भोटसिपामा रहेको माइत जादैँ गर्दा भीरबाट खसेर खोलाले बगाएको उनीहरु संगै रहेकी बालकको आमा पार्वती चालिसेले बताएकी छन् । मृतक दुवै जनाको शव केही तल खोलामा भेटीएपछि पोष्टमार्टमका लागि मेलम्ची लगिएको इलाका प्रहरी कार्यालय नवलपुका प्रहरी निरीक्षक इन्द्रजित इटनीले जानकारी दिएका छन् ।