संसदीय मामिला पत्रकार समाजको अध्यक्षमा सिन्धुपुत्र मनोज निर्वाचित

संसदीय मामिला पत्रकार समाजको अध्यक्षमा मनोज सत्याल निर्वाचित भएका छन् । आज प्रतिनिधिसभा संसदको भवनमा भएको निर्वाचनमा सिन्धुपाल्चोकको पाँचपोखरी थाङ्पाल गाउँपालिका ८, लाँगार्चेका स्थायी बासिन्दा सत्यालले ६३ मत ल्याएर विजयी भएका हुन् । सत्याल सेतोपाटी डटकममा कार्यरत छन् ।

अध्यक्ष पदमा सिन्धुपाल्चोककै विष्णु खड्का ४४ मत ल्याएर दोस्रो भए । सिन्धुपाल्चोकको हेलम्बु गाउँपालिका ३, पाल्च‍ोकका खड्का एनएनटिभिमा कार्यरत छन् । उनिसँगै सिन्धुपाल्चोककै तुलसी सापकोटा २७ मतका साथ तेस्रो भए । सापकोटा चौतारा साँगाचोकगढी नगरपालिका ४ , कुविण्डेका हुन् ।

समाजको उपाध्यक्षमा सृजना घिमिरे, किरण दाहाल, महासचिवमा जयसिंह महरा, सचिवमा गुन्जन राज गिरी र सबिता शर्मा, कोषाध्यक्षमा अमुल थापा निर्वाचित भएका छन् । सदस्यहरूमा भने रघुनाथ बजगाईं, कमलराज भट्ट, रोमन आचार्य, शीला तिमल्सिना, मीरा बस्नेत, अन्जना लामिछाने, राजु थापा र विनोद कटुवाल निर्बाचित भएका सत्यालले बताए ।