मालिकादेवि कपको फाइनलमा साँगाचोक र चौतारा भिड्दै, मन्त्री दुलालले समापन गर्ने

सिन्धुपाल्चोकको चौतारा साँगाचोकगढी नगरपालिका ७, मेलचौरमा सञ्चालन भईरहेको तेस्रो मालिकादेवी खुल्ला ७ ए साइड नगर कप फुटबल प्रतियोगिताको फाइनलमा रोयल फेमेली चौतारा र महाङ्काल भुमि तामाङ समाज भिड्ने भएका छन् ।

आज बिहिवार सम्पन्न सेमिफाइनलमा चौतारा स्पोर्टिङ क्लवलाई १-० गोलअन्तरले पराजित गर्दै रोयल फेमेली चौतारा फाइनल प्रवेश गरेको हो । पहिलो सेमिफाइनल खेलमा रोयल फेमेलिका एलेक्स, म्यान अफ द म्याच घोषित भएको आयोजक मेलचौर युवा जागरण समाजका सचिव सविन दंगालले बताए ।

वडा नम्बर ६ र महाङ्काल भुमि तामाङ समाजविच भएको दोस्रो सेमिफाइनलमा ३-० गोल अन्तरले महाङ्काल भुमि फाइनलमा प्रवेश गरेको हो । सो खेलमा महाङ्काल भुमिका राम ढकाल, म्यान अफ दि म्याच भए ।

फाइनल खेल भोलि शुक्रबार दिउँसो १ बजे दरबारडाडाँ खेल मैदानमा सञ्चालन हुने दंगालले बताए ।

सो प्रतियोगिताको समापन भने बागमती प्रदेशकत भौतिक पुर्वाधार विकास मन्त्री युवराज दुलालले गर्ने भएका छन् । उक्त तेस्रो मालिकादेवी खुल्ला ७ ए साइड फुटबल प्रतियोगिताको पुरस्कार वितरण, सम्मान तथा समापन समारोह स्थानिय कलाकारहरुको विविध साँस्कृतिक प्रस्तुती सञ्चालन हुनेछ ।

प्रतियोगितामा प्रथम हुने टिमले १ लाख ११ हजार १११ रुपैयाँ र दोस्रो हुने टिमले ६६ हजार ६६६ रुपैया नगद सहित ट्रफि, मेडल र प्रमाणपत्र पाउनेछन् ।