कुविण्डेमा शितभण्डार निर्माणका लागि ठेक्का आह्वान

चौतारा साँगाचोकगढी नगरपालिकाको बार्षिक कार्यक्रम अनुसार कृषकले उत्पादन गरेको कृषि सामान खेर नजाने उदेश्यले चौतारा साँगाचोकगढी नगरपालिका ४, कुविण्डेमा शितभण्डार स्थापनाको लागि ठेक्का आह्वान भएको छ । नगरपालिकाले फागुन १४ गते ३० दिने सुचना प्रकाशित गरि ठेक्का आह्वान गरेको हो ।

नगर गौरवको आयोजना अन्तरगत सञ्चालन हुने उक्त शितभण्डार निर्माण सम्पन्न भएपछि आलु, धान तथा दुग्धजन्य पदार्थ अधिक उत्पादन हुने कुविण्डेका कृषकहरु प्रत्यक्ष लाभान्वित हुनेछ्न । कुविण्डेमा उत्पादन हुने आलु मात्र संकलन गर्ने हो भनेपनी तीन महिनामा दोब्बर मुल्यमा बेच्न सकिने नगरपालिकाका कृषि शाखा प्रमुख चिरञ्जीवी कट्टेलले बताए । साँगाचोक र चौतारामा रहेको शितभण्डारहरु पनी चाडै संचालनमा ल्याई नगरको स्वामित्वमा निजि क्षेत्रले संचालनमा ल्याउने तयारी भइरहेको र किसानको उत्पादित कृषि सामाग्री बजारिकरणमा समस्या नहुने नितिमा नगरपालिका रहेको नगरप्रमुख कृष्णप्रसाद सापकोटाले बताए । नगर प्रमुख सापकोटाले डडुवाको माटोमा उत्पादित गोलिभेडा खेर नजाओस भन्ने उदेश्यले त्यहा टमाटर सस उध्योग संचालनमा ल्याइने बताए ।

आफुले नयाँ व्यवसायीक बालिहरुमा सम्भाब्यता अध्ययन गर्न सबै वडाका कृषियोग्य जमिनको माटो परिक्षण गर्ने कार्यक्रम संचालन गरिसकेको र जिविकोपार्जनको क्षेत्रमा काम गर्ने र्राष्ट्रिय तथा अन्तर्राष्ट्रिय संघसस्थाहरुसंग साझेदारी गरि कार्यक्रमहरु संचालन गरिरहेकोमा सबै वडाबासी जनता , जनप्रतिनिधि , कर्मचारी सबैको सहकार्यमा नै सबै क्षत्रमा बिकास र समृद्धि सम्भव रहेको नगर प्रमुख सापकोटाले बताए ।