सिन्धु युनियनले बाँड्यो पत्रकारलाई मास्क

२७ बैशाख, चौतारा ।

नेपाल प्रेस युनियन , सिन्धुपाल्चोकले जिल्लामा क्रियाशील पत्रकारहरुलाई मास्क वितरण गरेको छ ।

युनियनले जिल्लामा रहेर पत्रकारिता गरिरहेका पत्रकारहरुलाई नौ सय थान मास्क वितरण गरेको हो । ‘ हामीले कोरोनाको जोखिममा रहेका जिल्लाका अग्रपंतिमा रहने पत्रकारहरुको लागि मास्क वितरण गरेका हौं ।’ प्रेस युनियन सिन्धुपाल्चोककी अध्यक्ष दुर्गा आचार्यले भनिन् ।

जिल्लामा रहेका रेडियो स्टेसन तथा विभिन्न सञ्चारगृह तथा पत्रकारहरुलाइ प्रेस युनियन सिन्धुपाल्चोकको उपाध्यक्ष किशोर बुढाथोकी तथा सचिव कमला पाख्रीनले मास्क वितरण गरेका हुन् । प्रेस युनियनले गरेको यो काम अत्यन्तै सकारात्मक रहेको नेपाल पत्रकार महासंघ , सिन्धुपाल्चोकका अध्यक्ष जीवन श्रेष्ठले बताए ।