स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०७९ बैशाख १६, शुक्रबार (३ साल अघि)
सिन्धुपाल्चोकमा स्थानिय तह निर्वाचनको लागि स्वतन्त्र उम्मेद्वारी दिएका उम्मेद्वारहरुले मनोनयन फिर्ता लिएका छन् । केही दलकै उम्मेद्वारले समेत मनोनयन फिर्ता लिएका छन् ।
चौतारा साँगाचोकगढी नगरापालीकामा नेकपा माओवादी केन्द्रको बागी उम्मेद्वारको रुपमा नगरपालिकाको मेयर पदमा उम्मेद्वारी दिएका निवर्तमान मेयर अमानसीं तामाङले उम्मेद्वारी फिर्ता लिएका छन् । उपमेयर पदमा बागी उम्मेद्वारी दिएका नेकपा समाजवादीका जिल्ला नेता यज्ञ सापकोटाले पनि मनोनयन फिर्ता लिएका छन् ।
उनीसँगै नगरापालिकाका विभिन्न वडामा माओवादी विरुद्ध नै बागी उम्मेद्वारी दिएका वडा नं. २ का वडाध्यक्ष उम्मेद्वार चन्द्रप्रसाद काफ्ले, वडा नं. ४ का वडाध्यक्ष उम्मेद्वार चित्रबहादुर श्रेष्ठ, वडा नं. ८ का जितबहादुर तामाङ, वडा नं. ९ मानबहादुर तामाङ, वडा नं. १० कमल खत्री, वडा नं. ११ अशोक पराजुलीले पनि मनोनयन फिर्ता गरेका छन् ।
सुनकोशी गाँउपालिकामा भने नेकपा एमाले र नेकपा माओवादी केन्द्रविच गठबन्धन भएको छ । गठबन्धनलाइ सघाउँदै नेकपा माओवादीका अध्यक्ष पदका उम्मेद््वार कृष्ण कुमारी कुवँर, नेकपा एमालेबाट उपाध्यक्ष पदमा उम्मेद्वारी दिएकी मन्जु नेपाल भण्डारी सहित केही वडाध्यक्ष र सदस्यहरुले मनोनयन फिर्ता लिएका छन् । सुनकोसीमा मात्रै १३ जनाले उम्मेद्वारी फिर्ता लिएका छन् ।
मेलम्ची नगरपालिका भने नेपाली कांग्रेस र राप्रपाबिच गठबन्धन हुने भएको छ । राप्रपाबाट प्रमुखका उमेदवार शेष बहादुर तामाङ र काङ्रेसबाट उपप्रमुखको उमेदवार सबिता गुरुङले मनोनयन फिर्ता गरेका छन् ।
हेलम्बु गाउँपालिकामा अध्यक्षका उमेदवार दिएका जिमि लामाले पनि उम्मेदवारी फिर्ता लिएका छन् ।
0
