थुम्पाखर बस दुर्घटनामा १९ घाइते, १ को अवस्था गम्भीर(अपडेट)

खाडीचौर, २० माघ ।

थुम्पाखरमा भएको बस दुर्घटनामा घाइतेको संख्या १९ पुगेको छ । दोलखाको सिंगटीबाट काठमाडौ जाँदै गरेको रोल्वालीङ यातायात को यात्रुबाहक बस सुनकोशी गाउँपालिकास्थित ११ किलोमा दुर्घटना भएको थियो । लामोसाघु जिरी सडक खण्डमा बा २ ख २७८९ नम्बरको बस दुर्घटना भएको हो ।

घाईते मध्ये बलेफी गाँउपालिका ७ का वर्ष ३७ का सिताराम थापाको अवस्था गम्भीर रहेकोले उनलाई थप उपचारको लागि काठमाण्डौ पठाउने तयारी भइरहेको जिल्ला प्रहरी कार्यालयका प्रहरी नायव उपरिक्षक प्रकाश सापकोटाले बताए । उनको ढाडमा चोट लागेको सिन्धु सदावहार अस्पतालले जनाएको छ ।

बाँकी १८ जनाको भने खाडीचौर स्थित सिन्धु सदावहार अस्पतालमा उपचार भइरहेको छ । तिव्र गतिमा आएको बस सडक छेउमा पल्टिएको हो । चालक फरार रहेका छन् ।