सिन्धुपाल्चोकका विद्यालय तहका सबै परिक्षा स्थगित

१५ वैशाख, चौतारा ।

सिन्धुपाल्चोकमा भोली वैशाख १६ गतेबाट गर्ने भनिएको सबै तहको परिक्षा स्थगित गरिएको छ । भोलीबाट गर्ने भनि तय गरिएको माध्यामीक शिक्षा परिक्षा (एसईई) तयारी तथा अन्य सबै विद्यालय तहको परिक्षा अर्को सुचना नभएसम्मको लागि स्थगित गरिएको हो ।

आज बसेको जिल्ला कोभिड १९ विपद् व्यवस्थापन समितिको वैठकले विद्यार्थीको भौतिक उपस्थितीमा हुने पठनपाठन बन्द गरी भर्चुअल माध्यमबाट पठनपाठन गराउने र यसअघि तोकिएका सबै तहका परिक्षा स्थगित गर्नको लागि स्थानिय तह र शिक्षा विकास तथा समन्वय इकाइलाई निर्देशन दिने निर्णय गरेको हो ।

यसअघि सिन्धुपाल्चोकमा संघिय साँसदका सभामुख अग्निप्रसाद सापकोटा सहित बसेको बैठकले वैशाख महिनाभरीमा सबै तहको परिक्षा सम्पन्न गरि जेठबाट विद्यालय विदा गर्ने निर्णय गरेको थियो । त्यसै निर्णय अनुसार सिन्धुपाल्चोक प्रधानाध्यापक समाजले शनिवार समेत परिक्षा गर्ने गरी भोली वैशाख १६ गतेबाट परिक्षा लिने गरि तालिका समेत सार्वजनिक गरिसकेको थियो ।