समाचार प्रभावः जिससमा बन्यो आइसोलेशन

२० बैशाख, चौतारा ।

जिल्ला समन्वय समितिका प्रमुख गैरजिम्मेवार बन्दा जिससको खाली रहेको भवनमा कोरोना संक्रमितहरुलाई राख्नको लागि आइसोलेशन वार्ड बन्न नसकेको समाचार प्रकाशित भएपछि सो भवनमा आइसोलेशन वार्ड बनेको छ ।

केही दिनअघि बसेको सिन्धुपाल्चोकको डीसीसीएमसीको बैठकमा प्रमुख तामाङले सो भवन प्रयोग गरी आइसोलेशन बनाउने छलफलमा कुनै जवाफ नदिइ मौन बसेको बैठकमा सहभागी एक सदस्यले खुल्लापानालाई बताएका थिए । सोही समाचार खुल्लापानामा प्रकाशित भएपछि जिससको सो भवनमा ९ बेडको आइसोलेशन वार्ड निर्माण भएको छ ।

सो भवनमा आइसोलेशन वार्ड बनाउने सम्बन्धमा कुनै योजना नभएकोमा खुल्लापानामा समाचार प्रकाशित भएपछि हतारहतार गरी पुरानो सामाग्रीको प्रयोग गरी आइसोलेशन वार्ड निर्माण गरिएको स्रोतले जनाएको छ । पुरानो सामाग्री भन्नाले गत वर्ष सोही कार्यालयको नयाँ भवनमा प्रयोग गरिएको सामाग्री हुन् ।

यो सँगै जिल्ला अस्पतालको ५ र चौतारा साँगाचोकगढी नगरपालिकाले फिल्ड ट्रेनिङ सेन्टरको भवनमा निर्माण गरेको १२ गरी जिल्लामा कुल २६ चौतारामा कुल २६ बेडको आइसोलेशन वार्ड निर्माण गरेको चौतारा अस्पतालले जनाएको छ ।

तस्बिरः अर्जुन शर्मा