स्यालसँग ठोक्कीयो बुद्ध एयरको जहाज

८ मंसिर , नेपालगञ्ज ।
बुधबार साँझ नेपालगञ्ज विमालस्थलमा अवतरण गर्ने क्रममा बुद्ध एयरको जहाजमा स्याल ठोकिएको छ । साँझ ७ बजेर ५ मिनेटमा काठमाडौंबाट उडेको जहाज अवतरण गर्ने बेला स्यालसँग ठोकिएको हो ।

बुद्ध एयरको एब्रो जहाज स्यालसँग ठोक्किएको हो । नेपालगन्ज विमानस्थलका प्राविधिकहरुको सूचनाको अधारमा बुद्धको ९ एन ए जे एक्स ४०७ जहाज अवतरणपछी रनवे मा दौडिरहेको अवस्थामा जहाजको पांग्रासँग ठोक्किएर क्षतबिक्षत भएको विमानस्थल प्रशासनले जनाएको छ ।

जहाजमा रहेका सबै यात्रु सकुशल रहेका छन् भने जहाजमा पनि कुनै ठुलो क्षति भएको छैन । अहिले नेपालगञ्ज विमानस्थलका सम्पूर्ण सेवा प्रभावित भएका छन् ।