विञ्जेलमा बस पल्टिंदा १ जनाको मृत्यु

२५ मंसिर, खाडिचौर ।
सिन्धुपाल्चोकको बलेफि गाँउपालिका ४, विञ्जेलमा बस पल्टिँदा एकजनाको मृत्युु भएको छ ।

बिबाहको जन्ति लिन बिन्जेल जादै गरेको बा २ ख ५६१४ नम्बरको यात्रुवाहक बस बलेफी गाउँपालिका ४ स्थित माझ गाउमा दुर्घटना भएको हो ।

घटनामा पनि अन्य १० जना गम्भीर घाइते भएका छन् भने १० जना भन्दा धेरै सामान्य घाइते भएका स्थानिय ज्ञानेन्द्र तिमल्सिनाले बताए । घाइतेहरुलाई उपचारको लागि सिन्धु सदावहार अस्पताल खाडिचौर र धुलिखेल अस्पताल धुलिखेल पठाइएको छ ।

बसमा बिबाहकाे लागि आएका पाहुनाहरु रहेको तिमिल्सिनाले बताए । बस सडकवाट करिब १०० मिटर तल खसेकाे छ ।

स्थानिय सहित नेपाल प्रहरी र शसस्त्र प्रहरीले उद्दार जारी राखेकाे छ। गाडिमा करिब २५ जना सवार रहेको अनुमान गरिएको छ । घाइते र मृतकको सनाखत भइसकेको छैन ।