११ बर्षपछि पुनः अरनिको यातायात हाँक्दै केदार क्षेत्री 

काठमाडौं पुर्वका सिन्धुपाल्चोक , काभ्रेपलाञ्चोक, दोलखा, रामेछाप लगाएतका जिल्लाका दुरदराजसम्म यातायात सेवा प्रदान गरिरहेको अरनिको यातायातको नेतृत्व अब केदार क्षेत्रीले हाँक्ने भएका छन् ।

अरनिको यातायात सेवा समितिको नामबाट सञ्चालन शुरु भई पूर्व यातायात प्रा.लीमा रुपान्तरित संस्थाको ५० औं वार्षिक साधारणसभा तथा अधिवेशन अन्तर्गत हिजो भएको मतदानबाट बाट केदार क्षेत्री अध्यक्षमा निर्वाचित भएका हुन् । क्षेत्रीले २९७ मत ल्याउँदा उनका प्रतिष्पर्धी उद्वव गौतमले १२६ र नृपध्वज महतले ११८ मत ल्याएका थिए । गौतम र महतको मतको योगफल भन्दा क्षेत्री एक्लैले पाएको मत धेरै छ ।

क्षेत्रीले २०६३ देखी २०६९ साल सम्म दुई कार्याकाल अरनिको यातायात समितिको अध्यक्ष भएर काम गरिसकेका छन् । राजनितीमा होमिएपछि यातायात व्यवसायबाट टाढिएका क्षेत्री ११ बर्षपछि पुनः यातायात व्यवसायी क्षेत्रको नेतृत्वमा पुगेका हुन् । क्षेत्री सिन्धुपाल्चोक बलेफी गाउँपालिकाको निवर्तमान अध्यक्ष समेत हून् । नेकपा एमालेबाट राजनिती गरिरहेका क्षेत्री अहिले नेपाली काँग्रेसमा सक्रिय छन् ।

कम्पनिको अन्य पदाधिकारीको भने मतगणना भइरहेको निर्वाचन समितिले जनाएको छ ।