मतदाता शिक्षा कार्यक्रम ल्याउदैं निर्वाचन कार्यालय

मंसिर ४ गते हुने प्रतिनिधि तथा प्रदेश सभा निर्वाचनका सम्बन्धमा मतदातालाई सुसुचित गराउन निर्वाचन कार्यालय मार्फत मतदाना शिक्षा कार्यत्रलम शुरु हुने भएको छ । सिन्धुपाल्चोक जिल्लामा मतदाता शिक्षा कार्यक्रमलाई प्रभावकारी बनाउन कात्तिक १८ गतेबाट मतदाता शिक्षा कार्यक्रम सञ्चालन हुने भएको हो ।

मतदाता शिक्षा कार्यक्रम जिल्ला समितिको आज बसेको बैठकले आगामी मंसिर ४ गते हुने निर्वाचनलाई लक्षित गर्दै जिल्लाभरी मतदाता शिक्षा कार्यक्रमलाई तीव्र बनाउने निर्णय गरेको हो  । जिल्ला निर्वाचन अधिकारी विकास रिजालका अनुसार कार्यक्रम कात्तिक १८ गतेबाट मंसिर १ गतेसम्म जिल्लाका १०३ वटा नै वडामा सन्चालन हुने छ । मतदाता शिक्षा प्रदान गर्न  सो सम्बन्धी तालिम प्राप्त स्थानीय महिला स्वयंसेविकालाई परिचालन गरिने छ ।

मतदाता शिक्षा कार्यक्रम सञ्चालनका लागि खटाइएका स्वयंसेविकाले उदेश्य अनुरुप कार्य गरे कि गरेनन् भनेर स्थानीय तहमा तोकिएको अनुगमन अधिकृतले नियमित अनुगमन गर्ने पनि अधिकारी रिजालले जानकारी दिए । मतदाता शिक्षा कार्यक्रम प्रभावकारी बनाउनका लागि स्थानीय तह, सरकारी कार्यालय, सञ्चारकर्मी, गैसस, नागरिक समाजसँग पनि समन्वय गर्ने बैठकले निर्णय गरेको छ ।