बलेफी-१ का एक हजार परिवारले पाए विद्युतीय चुल्हाे

सिन्धुपाल्चोक । सिन्धुपाल्चोकको बलेफी गाउँपालिकाका एक हजार परिवारलाई विद्युतीय चुल्हो वितरण गरिएको छ । बलेफी गाउँपालिका–१ का सर्वसाधारणलाई वडा कार्यालयले अनुदानमा चुल्हो वितरण गरेके हो ।

वडाअध्यक्ष हुपबहादुर खड्काले वडावासीलाई ७५ प्रतिशत अनुदान दिएर चुल्हो वितरण गरिएको जानकारी दिए । ‘२५ प्रतिशत सर्वसाधारणले तिर्ने गरी चुल्हो वितरण गरिएको छ ।’ उनले भने ।

विद्युतीय चुल्होको प्रयोगले वातावरण पनि स्वच्छ हुने भएकाले वितरणका लागि पहल गरिएको उनले बताए ।

‘यसको प्रयोगले दाउरा र ग्यासको प्रयोग कम हुन्छ,’ उनले भने, ‘कम खर्चिलो र यसको प्रयोगले समयकोसमेत सदुपयोग हुन्छ ।’ उनले भने । वडा कार्यालयको पहलमा वैकल्पिक ऊर्जा केन्द्रको सहयोगमा वडावासीलाई चुल्हो वितरण गरिएको हो ।