सिन्धुलाई राप्रपाको किल्ला बनाउने चौताराको उद्घोष

२० चैत, चौतारा ।

सिन्धुपाल्चोक जिल्लालाई पहिलेकै जस्तो राष्ट्रिय प्रजातन्त्र पार्टीको किल्ला बनाउने उद्घोष गरिएको छ । शुक्रबार चौतारा साँगाचोकगढी नगरपालिका वडा नं. ५ को वडा अधिवेशनका सहभागीहरुले सो उद्घोष गरेका हुन् ।

राप्रपा केन्द्रिय सदस्य दईन्द्रबहादुर ठकरीको प्रमुख आतिथ्यतामा सञ्चालन भएको अधिवेशनले चौतारा पुरानो बजारका केशबप्रसाद श्रेष्ठको अध्यक्षतामा २६ सदस्यीय वडा कार्यसमिति गठन गरेको छ । समितिका उपाध्यक्ष, महिला उपाध्यक्ष सचिव र कोषाध्यक्षमा क्रमशः देबेन्द्र घले, मैयाँ श्रेष्ठ (कक्षपती), प्रेम बहादुर राउत र हिरोमणि श्रेष्ठ निर्विरोध निर्वाचित भएका छन् ।

समितिको सदस्यहरुमा भने पुष्कर ढुङ्गेल, ज्ञानेन्द्र कक्षपती, माधब उप्रेती, सुरथ घले, मोहनकाजी कपाली, टीका लक्ष्मी श्रेष्ठ, बिमला श्रेष्ठ, दिलिप बिश्वकर्मा, कृष्ण बहादुर तामाङ, होम माया तामाङ, नीर बहादुर लामा, नारायण श्रेष्ठ, सानू कान्छी घले, सबिता तामाङ, धन बहादुर राउत, प्रमीला थापामगर, बुद्ध कुमार कपाली, रोशन राउत, बुह्द तामाङ, भुवन प्रसाद श्रेष्ठ र सुर्य बहादुर ठकुरी चयन भएका छन् ।

कार्यक्रममा प्रमुख अतिथि ठकुरीले पार्टीले हिन्दु राज्य र राजासहितको प्रजातन्त्रको परिकल्पना गरेकोले त्यसको प्राप्तिका लागि पार्टीका सबै तहका नेता तथा कार्यकर्ता एकजुट हुनपर्ने बताए । देशमा राजा नहुँदा अभिभावकत्वको कमी महशुस भएकोले राजा र हिन्दुराज्य नै आजको प्रमुख आवश्यकता भएको उनले बताए । ठकुरीले जिल्लालाई राप्रपाको किल्ला बनाउन संगठन विस्तारमा लाग्न सबैलाई आह्वान समेत गरे ।

अधिवेशनका विशेष अतिथि चौतारा साँगाचोकगढी नगरपालिका—२ का वडाध्यक्ष एवं पुर्व क्षेत्रीय अध्यक्ष दीपेन्द्र थापाले आफ्नो क्षेत्रका साथै समग्र जिल्लाको विकासमा पहल गर्दै जाने बताए । कार्यक्रमका अतिथि राप्रपा क्षेत्रीय अध्यक्ष फणिन्द्र दाहालसहित जिल्ला कार्यसमितिका विभिन्न पदाधिकारीहरुको सहभागीता रहेको थियो । कार्यक्रमको अध्यक्षता भने राप्रपा चौतारा साँगाचोकगढी नगर संयोजक ज्ञानेन्द्र कक्षपतीले गरेका थिए ।

राप्रपाले पछिल्लो समय जिल्लामा वडा अधिवेशनको काममा तिव्रता दिएको छ । यसै महिनाभित्र सम्पुर्ण वडाको अधिवेशन सकेर क्षेत्रिय अधिवेशन समेत गर्ने पार्टीको योजना छ ।