बन्धक बनाएर समाजवादीमा सनाखत गर्न नदिएको आरोप

२३ भदौ, चौतारा ।

नेकपा एमालेका नेता कार्यकर्ताहरुले बन्धक बनाएका कारण जिल्लाका जनप्रतिनिधिहरुले नेकपा एकिकृत समाजवादीमा सनाखत गर्न नपाएको एकिकृत समाजवादीका नेताहरुले आरोप लगाएका छन् । नेकपा(एस)सँग वैचारीक सहमती भएका जनप्रतिनिधिहरुको टेलीफोन स्वीच अफ गराएर सम्पर्कविहीन बनाएको आरोप लगाएका हुन् ।

सिन्धुपाल्चोकबाट स्थानिय २ जना जनप्रतिनिधिले मात्रै नेकपा एमालेबाट नेकपा (एस) पार्टी रोजेर सनाखत गरेका छन् । ४३ वटा वडा र ७ वटा स्थानिय तहमा नेकपा एमालेका उम्मेद्वारले निर्वाचन जितेकोमा मेलम्ची नगरपालिकाकी उपप्रमुख भगवती नेपाल र चौतारा साँगाचोकगढी नगरपालिका वडा नं. १० का अध्यक्ष बेलबहादुर महतले मात्रै निर्वाचन कार्यालयमा गएर सनाखत गरेको जिल्ला निर्वाचन कार्यालयका, कार्यालय प्रमुख नारायण गौतमले बताए ।

केपि शर्मा ओलीले गरेको प्रतिगमनका कारण नै पार्टी फुटको चरणमा पुगेको नेकपा (एस) का लागि सनाखत गरेका मेलम्ची नगरपालिकाकी उपप्रमुख भगवती नेपालले बताइन् । कम्युनिष्ठ आन्दोलनले अझै पुर्णता नपाएको र त्यसको नेतृत्व गर्ने क्षमता नेकपा (एस) सँग मात्रै भएकोले आफुहरु यस पार्टीमा लागेको उनीहरुको भनाइ छ । नेकपा (एस) दर्ता गर्दा नै राष्ट्रियसभामा सिन्धुपाल्चोकबाट प्रतिनिधित्व गरेका सिंहबहादुर विश्वकर्माले हस्ताक्षर गरिसकेका छन् भने प्रदेश सभा सदस्य इन्द्रमायाँ गुरुङले पनि नेकपा(एस) रोजेर सनाखत गरिसकेकी छिन् ।

सिन्धुपाल्चोक जिल्लाका जनप्रतिनिधिहरु एकढिक्का भएर नेकपा एमाले मजबुत बनाउनको लागि केही व्यक्ति बाहेक सबैले संथापन दल नै रोजेको नेकपा एमालेका पुराना जिल्ला नेता एवं पुर्व साँसद कृष्णराज श्रेष्ठले बताए । सिन्धुपाल्चोकमा नेकपा एमाले दल औपचारीक रुपमा विभाजन हुनुअगाडी अधिकाँश नेता तथा कार्यकता माधव नेपाल समुहमा नै आवद्द रहेका थिए । केपि ओलीको कदमको विरुद्मा समेत सबैजसो जनप्रतिनिधि सडकमा उत्रिएका थिए । तर अहिले दल विभाजन भएपछि भने सबैजनाले माधव समुहलाई धोका दिएका छन् । ‘सिन्धुपाल्चोकमा एमाले एकढिक्का बनाइराख्ने हाम्रो चाहना हो ।’ पुर्व साँसद श्रेष्ठले भने —‘आम कार्यकर्ताको मनोभाव बुझ्न नभ्याएको भए पनि सबैजना जता चुनाव चिन्ह सुर्य हुन्छ, त्यसै मत हाल्छन् भन्ने हाम्रो ठम्याई हो ।’

सिन्धुपाल्चोकमा नेकपा एमालेका जिल्ला अध्यक्ष सहित अधिकाँश जिल्ला नेता र जनप्रतिनिधिहरुले केपी ओली विरुद्दको आन्दोलनमा सहभागी भएका थिए । पार्टी फुटअघी माधव समुह एकदमै मजबुद र ओली समुह कमजोर देखिएको थियो । पार्टी फुटपछि पनि कम्तीमा १५ जना जनप्रतिनिधि नेकपा (एस)मा आउन लागेकोमा एमालेका नेताहरुले उनीहरुलाई डर धम्की देखाएर आफुहरुको सम्पर्कमा नै आउन नदिएको र पार्टी रोज्न पाउने अधिकारबाट समेत बञ्चीत गराएको नेकपा (एस) का जिल्ला नेता सोम सापकोटाले आरोप लगाए । अहिले दल रोज्न नपाएपनि पछि पद नै त्याग गरेर भएपनि उहाँहरु नेकपा (एस) मा नै समाहित हुने उनीहरुको आँकलन छ ।