नवनिर्वाचित राष्ट्रपति पौडेलले मतदातालाई दिए यस्तो सन्देश

नवनिर्वाचित राष्ट्रपति रामचन्द्र पौडेलले आफू निर्वाचित भएपछि मतदाताहरुलाई सन्देश पठाएका छन् । मतदातालाई धन्यवाद सहित पौडेलले संविधानप्रदत्त जिम्मेवारी निष्ठापुर्वक निर्वाह गर्ने प्रतिबद्धता व्यक्त गरेका बागमती प्रदेश सदस्य युवराज दुलालले बताए ।

यस्तो छ पौडेलले दुलाललाइ पठाएको सन्देश :

“माननीय युवराज दुलाल ज्यू

आज सम्पन्न राष्ट्रपति निर्वाचनमा आफ्नो अमूल्य मत दिइ मलाई विजयी गराउनु भएकोमा हार्दिक धन्यवाद र आभार प्रकट गर्दछु।

संघीय लोकतान्त्रिक गणतन्त्र नेपालको राष्ट्रपतिका रूपमा राष्ट्रियता, राष्ट्रिय स्वाधीनताको रक्षा गर्दै संविधानको पालना एवं लोकतन्त्रको संस्थागत विकास र मुलुकको समुन्नतिका लागि संविधानप्रदत्त जिम्मेवारी निष्ठापूर्वक निर्वाह गर्ने प्रतिबद्धता व्यक्त गर्दछु।

धन्यवाद ।

तपाईंको
रामचन्द्र पौडेल”