ज्योति लाइफ इन्स्योरेन्सको आईपीओ बाँडफाँड(हेर्नुस् नतिजा)

१३ चैत, काठमाण्डौ ।

ज्योति लाइफ इन्स्योरेन्सको आईपीओ बाँडफाँड भएको छ । उक्त कम्पनीको शेयर निष्काशक तथा बिक्री प्रबन्धक एनएमबि क्यापिटलका अनुसार ५ लाख ९४ हजार जनाले १० कित्ताका दरले शेयर पाएका छन् ।

फागुन २१ गते देखि कम्पनीले कुल जारी पूँजीको ३० प्रतिशत अर्थात ६६ करोड रुपैयाँ बराबरको ६६ लाख कित्ता शेयर निष्काशनमा ल्याएको थियो । त्यसमध्ये ५ प्रतिशत अर्थात ३ लाख ३० हजार कित्ता कर्मचारीहरुलाई र अर्को ५ प्रतिशत अर्थात ३ लाख ३० हजार कित्ता सामूहिक लागनीकोषहरुलाई सुरक्षित गरी बाँकी ५९ लाख ४० हजार कित्ता शेयरमा सर्वसाधारणको लागि निष्काशनमा ल्याएको हो ।

धितोपत्र निष्काशन तथा बाँडफाँट निर्देशिका अनुसार न्युनतम १० कित्ताका दरले शेयर वितरण गर्दा ५ लाख ९४ हजार जनाले शेयर पाएका हुन् । कम्पनीको आइपीओमा१८ लाख ४ हजार ६४८ जना आवेदकबाट ३ करोड ८० लाख ५७ हजार ७१० कित्ता आइपीओ खरिदको लागि आवेदन परेको थियो । त्यस मध्ये करिब १२ लाख १० हजार जनाको हात खाली गएको छ ।

हाल कम्पनीको अधिकृत पूँजी ३ अर्ब, जारी पूँजी २ अर्ब २० करोड र चुक्ता पूँजी एक अर्ब ५४ करोड रुपैयाँ छ । सर्वसाधारणलाई आईपीओ वितरणपछि कम्पनीको चुक्ता पूँजी २ अर्ब २० करोड रुपैयाँ पुग्नेछ ।

शेयर नतिजा हेर्नको लागि मेरो शेयर, कम्पनीको वेवसाइट वा विक्रि प्रवन्धकको वेवसाइटमा जान सकिन्छ । नतिजा वेवसाइटमा आउन भने केही समय लाग्नेछ ।