मालिकादेवी कपको फाइनलमा अंधेरी र कुविण्डे भिड्दै

सिन्धुपाल्चोकको चौतारा साँगाचोकगढी नगरपालिका -७, मेलचौरमा सञ्चालन भइरहेको दोस्रो मालिकादेवी कप, सिन्धुपाल्चोक जिल्ला स्तरीय सेभेन ए साइड खुल्ला फुटबल प्रतियोगिताको फाइनलमा अंधेरी युथ क्लब र चौतारा साँगाचोकगढी -४ कुविण्डे विच प्रतिस्पर्धा हुने भएको छ ।

आज सम्पन्न सेमिफाइनलका दुई खेलमा विजेता बनेका उनिहरुविच भोलि दिनको ११ बजे दरबारडाँडा खेलमैदानमा प्रतिस्पर्धा हुने भएको हो ।

आजको सेमिफाइनल खेलमा वडा नम्बर ४ ले इन्द्रावती १०लाई ३-० को गोल अन्तरले पराजित गरेको थियो । सो खेलमा वठा नं ४ का रोहन भुजेल म्यान अफ द म्याच घोषित भए ।

सेमिफाइनलकै दोस्रो खेलमा भने अधेँरी युथ क्लवले चौतारा साँगाचोकगढि-११ २-० गोलान्तरले पराजित गर्यो । अंधेरीकै आवास लामा म्यान अफ त म्याच ठहरीए । दुवै खेलका विजेताहरुबिच भोलि शुक्रबार ११ बजे उपाधिका लागि भिडन्त हुनेछ ।

सेमिफाइनल खेलमा पराजित भएका दुवै टिम बजे इन्द्रावती १० र चौतारा ११ विच तेस्रो स्थानका लागि प्रतिस्पर्धा हुनेछ ।
प्रतियोगितामा प्रथम , द्वितीय र तृतीय हुने टिमले ट्रफी, मेडल र प्रमाणपत्र सहित नगद पुरस्कार क्रमशः ८० हजार, ४० हजार र २० हजार रुपैया पाउनेछन् ।