पाँचदल विरुद्ध आचारसंहिता उल्लङ्घनको उजुरी

ठूला पाँच दलले आचारसंहिता विपरित काम गरेको भन्दै मुख्य निर्वाचन अधिकृतको कार्यालयमा उजुरी परेको छ । क्रियाशिल प्रमुख पाँचदल विरुद्ध चौतारा साँगाचोकगढी नगरपालिकाका मेयर पदका स्वतन्त्र उम्मेद्वार कुमार श्रेष्ठले आचारसंहिता उल्लङ्घन विरुद्ध उजुरी गरेका हुन् ।

सिन्धुपाल्चोकमा आचारसंहिता उल्लंघन गर्न दलहरूबीच प्रतिष्पर्धा नै चलेको छ । नेपाली काँग्रेस, नेकपा एमाले , नेकपा माओवादी केन्द्र सहित नेकपा एकीकृत समाजवादी सिन्धुपाल्चोकमा क्रियाशील रहेका प्रमुख राजनैतिक दल हुन् । राष्ट्रिय प्रजातन्त्र पार्टी, उन्नत लोकतन्त्र पार्टी, मङ्गोल नेशनल अर्गनाइजेशन लगायतका दल पनि सिन्धुपाल्चोकमा क्रियाशील छन् ।

श्रेष्ठले पाचँ दल नेपाली काँग्रेस, नेकपा एमाले , नेकपा माओवादी केन्द्र, नेकपा एकीकृत समाजवादी र राष्ट्रिय प्रजातन्त्र पार्टी विरुद्ध उजुरी गरेको मुख्य निर्वाचन कार्यालयले जनाएको छ ।

दलहरूले हिजो नै २४ घण्टाभित्र आचारसंहिता विपरीतका प्रचारसामग्री हटाउने भनेपनि अझै हटाएका छैनन् ।