आइतबार र शनिबार सार्वजनिक विदा, कार्यालय समय १ घण्टा थप

नेपाल सरकारले अब हप्ता २ दिन सार्वजनिक विदा दिने निर्णय गरेको छ । आगामी जेठ १ गतेदेखि लागू हुनेगरी परिक्षणको रूपमा शनिबार र आइतबार विदा दिने निर्णय भएको हो ।

आजको मन्त्रीपरिषद्को बैठकले यस्तो निर्णय गरेको सरकारका प्रवक्ता ज्ञानेन्द्र कार्कीले बताए । कार्कीका अनुसार जेठ १ गतेदेखि कार्यालय समय भने थप गरिएको छ । सरकारी कार्यालय बिहान ९:३० बजदेखी साँझ ५:३० सम्म सञ्चालन हुनेछ ।

बढ्दो इन्धन खपत कम गर्न हप्तामा ५ घण्टा कार्यालय समय बढाएर हप्तामा १ दिन घटाएको हो । सोमबारदेखि शुक्रबारसम्म पूरा समय कार्यालय सञ्चालन हुनेछ ।