राप्रपा महामन्त्रीमा रेखा थापा पराजित

१९ मंसिर , काठमाडौ ।
राष्ट्रिय प्रजातन्त्र पार्टी (राप्रपा)को महामन्त्रीमा नायिका रेखा थापा पराजित भएकी छिन् । महिलातर्फको महामन्त्री पदमा नायिकासमेत रहेकी रेखा थापालाई पराजित गरी कुन्तिकुमारी शाही महामन्त्री बन्न सफल भएकी हुन् ।

आइतबार आएको मत परिणाम अनुसार शाहीले २००८ मत ल्याउँदा थापा १६४० मत मात्र प्राप्त गरिन् । शाही कमल थापा प्यानलबाट महामन्त्रीको उम्मेदवारी थिइन् भने थापा राजेन्द्र लिङ्देन​को समूहबाट लडेकी थिइन् । अध्यक्षमा राजेन्द्र विजयी भए पनि महामन्त्रीमा थापा पराजित भएकी छन् ।