‘ओला नमस्ते’ले स्पेनिश भाषा पढाउने

एजेन्सी , ११ फागुन ।

भर्खरै स्पेन प्रवेश गरेका नेपालीहरुलाई स्पेनमा ‘ओला नमस्ते’ पुस्तकले स्पेनिश भाषा सिकाउने भएको छ । कास्की आदर्श समाज स्पेनले स्पेनिश भाषा सिकाउने सो पुस्तक तयार गरेको हो ।

‘स्पेन आउने बित्तिकै सबैभन्दा ठूलो चुनौती भाषाको नै रहन्छ। सहज ढंगले स्पेनिश भाषा सिक्न मद्दत पुगोस् भनेर नै ‘ओला नमस्ते ’ पुस्तक निकालेका हौं,’ कास्की आर्दश समाज स्पेनका अध्यक्ष बलबहादुर कार्कीले बताए । स्पेनिश भाषा सिक्न सजिलो होस् भनेर विशेष गरी रेसिडेन्सी पेपर नहुने नेपालीहरुलाई निःशुल्क उपलब्ध गराउने योजना बनाएको उनले बताए ।

भाषा अध्ययनमा केही आयाम थपियोस् र भाषामा ठेस नलागोस भन्ने उद्देश्यले पुस्तक प्रकाशन गरिएको उनको भनाइ छ ।