साहित्यकार अमित घिमिरे सम्मानित

१९ भदौ काठमाण्डौं ।

सिन्धुपाल्चोक जिल्लामै रहेर निरन्तर सञ्चारकर्म, कलाकर्म एवं साहित्यको विकासमा योगदान दिईरहेका कवि अमित घिमिरे सम्मानित भएका छन् । साहित्यिक पत्रिका संसाकको नवौं बार्षिकोत्सवको अवसरमा घिमिरेसहित ६ स्रष्टा सम्मानित भएका हुन् ।

घिमिरेलाई संसाक भद्रकुमारी केसी मुक्तक: हाइकु सम्मानबाट सम्मानित गरिएको हो । उनीसहित रञ्जुश्री पराजुली, अरुणबहादुर खत्री ‘नदी’, रेणु थापा ‘मौनता’, देवेन्द्रराज शाक्य र मेनुका चापागाईं सम्मानित भए । पराजुलीलाई संसाक यात्री नियात्रा सम्मान, संसाक खत्रीलाई अनामणि समीक्षा सम्मान, थापालाई संसाक तेज शोभा काव्य सम्मानबाट सम्मानित गरिएको हो । त्यस्तै शाक्यलाई संसाक शीत कर्ण सम्मान र चापागाईंलाई संसाक गोपालराज मैयादेवी – पाण्डे साहित्य सम्मान प्रदान गरियो ।