मान्जेको जवर्जस्ती करणीका अर्का आरोपी पक्राउ

चौतारा, १२ माघ ।

गत असोज १५ गते एक महिलालाई जवर्जस्ती करणी आरोप लागेका अर्का एक जना प्रतिवादी पक्राउ परेका छन् । पक्राउ पर्नेमा जुगल गाँउपालिका वडा नं. ४ का २४ वर्षीय कैलाश नेपाली रहेका छन् ।

चार जना व्यक्तिले गत असोजमा जुगल गाँउपालीकाकै एक ३२ वर्षीय महिलालाई सामुहीक बलात्कार गरी लुटपाट समेत गरी भागेका थिए । उनीहरुमध्ये जुगल गाँउपालिका—५, बराम्चीका सुन्दर भन्ने वर्ष २३ को रञ्जित श्रेष्ठ र जुगल—४, पाङताङका वर्ष २८ का विकास सिलवाल सोही समयमा पक्राउ परिसकेका छन् । नेपालीलाई प्रहरीले आइतबार महानगरीय अपराध महाशाखाको समन्वयमा काठमाण्डौको कलंकीमा पक्राउ गरिएको हो ।

उनीहरु सबैलाई अदालतमा दाखीला गरि आवश्यक कारबाहीको लागि प्रकृया अगाडी बढाएसकिएको जिल्ला प्रहरी कार्यालयका प्रहरी नायब उपरिक्षक प्रकाश सापकोटाले बताए । अर्का एक आरोपीको खोजी कार्य भइरहेको सापकोटाले बताए ।