सिन्धुपाल्चोकमा १ हप्तामा ३ बलात्कार , ५ जना पक्राउ

सिन्धुपाल्चोकमा एक हप्ताको अन्तरालमा लगातार तीनवटा बलात्कारका घटना भएका छन् । तीन वटा घटनामा संलग्न सबेै पाँचजना आरोपित पक्राउ समेत परेका छन् ।

पर्यटकीय गन्तव्यको रुपमा परिचित सिन्धुपाल्चोकको सुकुटेमा रहेको सुकुटे विच एड्भेन्चर क्याम्प रिसोर्टमा असार १८ गते पर्यटकको रुपमा आएकि चौतारा ट( प्रहरीले दिएको नाम) लाई टेन्टमा सुतिरहेको अवस्थामा तीन जना युवाले बलात्कार गरेका छन् । दिउसो करिब ३ बजे काठमाडौं जिल्ला , काठमाडौं महानगरपालिका १४, कलंकीका वर्ष २६ का सुलभ क्षेत्री सहित सोही स्थानबाट पर्यटककै रुपमा आएका वर्ष १८ का प्रिन्स थपलिया र वर्ष १८ को रुस कार्कीले बलात्कार गरि फरार रहेकोमा १९ गते राति काठमाडौंको कलंकी बाट पक्राउ गरिएको हो ।

छुट्टै टोलीमा सुकुटे आएकि युवती आराम गर्न दिउसो टेन्टमा सुतिरहेको अवस्थामा क्षेत्रीले बलात्कार गरेको र थपलिया र कार्की भने मतियारको रुपमा साथ दिएको प्रारम्भिक अनुसन्धानबाट खुलेको जिल्ला प्रहरी कार्यालय , सिन्धुपाल्चोकका प्रहरी नायब उपरीक्षक दक्षकुमार बस्नेतले बताए । आरोपीहरु भने एकै टोलिको रुपमा सुकुटे आएका थिए । उनिहरुलाइ जिल्ला अदालत , सिन्धुपाल्चोकबाट सात दिनक‍ो म्याद थप गरि अनुसन्धान भइरहेको छ । सो रिसोर्ट चौतारा साँगाचोकगढी नगरपालिका ९, सुकुटेमा पर्दछ ।

सिन्धुपाल्चोकमै असार १३ गते दिउसो करिब १ बजे ७ बर्षकी बालिका चौतारा ञ ( प्रहरीले दिएको नाम) लाई बलात्कार गर्ने १६ बर्षीय छिमेकी चौतारा बि (प्रहरीले दिएको नाम) लाई १७ गते बेलुकी पक्राउ गरेको छ । आरोपीले पिडीतलाइ आफ्नै घरमा बोलाइ जवरजस्ती करणी (बाल विज्याई) गरेको आरोपमा अदालतबाट ५ दिनको म्याद थप गरि अनुसन्धान भइरहेको छ ।

त्यस्तै सिन्धुपाल्चोकमै असार १६ गते ११ बर्षीय कोलढुङ्गा ख(प्रहरीले दिएको नाम) लाई बलात्कार गरेको आरोपमा हजुरबुबा नाता पर्ने बर्ष ८१ का कोलढुङ्गा ग( प्रहरीले दिएको नाम) ले जबर्जस्ती करणी गरेको आरोपमा पक्राउ परेका छन् । उनले आफ्नै घरमा पिडितलाइ बलात्कार गरेको प्रहरीको प्रारम्भिक अनुसन्धानले बताएको छ । उनलाई पनि अदालतबाट ७ दिनको म्याद थप गरि अनुसन्धान भइरहेको छ । तिनवटै घटनामा प्रहरीले आरोपित पक्राउ गर्न सफल भएको छ ।