सडक सुरक्षाका लागि वडामै तगडा सिसिक्यामेरा

जिल्लाकै मुख्य बजारहरुमा रहेका सिसिक्यामेरा आवश्यक परेका बेला कान नलाग्ने गरी विग्रीसकेको छ । तर चौतारा बन्देउ सडकको नर्सरीमा भने सडक सुरक्षाका लागि उच्च प्रविधिको सिसिक्यामेरा जडान गरिएको छ ।

चौतारा साँगाचोकगडी नगरपालिका वडा नं ११ ले वडा कार्यालयमा कन्ट्रोल हुनेगरी उच्च प्रविधिको सिसिक्यामेरा जडान गरेको छ । वडा कार्यालय नजिकैको नर्सरी बजारमा हुनसक्ने अपराधिक कार्यको निगरानी गर्न र कुनै घटना गराइ कुनै सवारीसाधन भागेमा समय भिडाइ त्यस्ता साधनको नम्बर समेत पढ्न मिल्ने क्षमताको सिसिक्यामेरा जडान गरिएको हो ।

‘त्यो चोक हाम्रो वडा कार्यालय छिर्ने चोक पनि भएको र चौतारा जाने प्रमुख राजमार्ग समेत भएकोले सुरक्षाका लागि उच्च प्रविधिको सिसिक्यामेरा जडान गरेका हौं ।’ वडाध्यक्ष रोशनराज गिरीले बताए । यसबाट अपराध नियन्त्रणमा समेत सघाउ पुग्ने विश्वास उनको छ ।