तातोपानी नाका पूर्णरुपमा खुलाउने तयारीका लागि आजबाट बन्द

काठमाडौंबाट सबैभन्दा नजिकको व्यापारीक नाका तातोपानी नाका पूर्णरुपमा खुलाउने तयारीका लागि आजबाट एक साताका लागि नाका बन्द हुने भएको छ ।

आउँदो मे १ तारिख अर्थात २०८० साल बैशाख १८ गतेबाट दुईतर्फीरुपमा नै पुर्ण रुपमा सञ्चालन गर्नका लागि आवश्यक ब्यवस्थापकिय कार्य गर्नका लागि तातोपानी नाका एक साताका लागि बन्द हुने भएको हो ।

नेपालस्थित चिनियाँदूतावासका अनुसार हाल एकतर्फी सञ्चालनमा रहेको तातोपानी नाका पुर्ण रुपमा खुलाउने तयारीका लागि चैत २८ देखि बैशाख २ गतेसम्म बन्द हुने भएको हो ।

‘दुईतर्फी कार्गो स्थानान्तरणलाई फेरि सुरु गर्ने तयारी थालिएको छ, नेपालस्थित चिनियाँ दूतावासले जानकारी दिँदै भनेको छ, ‘त्यही तयारीका लागि सिया स्वायत्त क्षेत्र जनसरकार र नेपालको स्थानीय सरकारबीच सम्झौता भएको छ।’

यससँगै कार्गो आदानप्रदान तयारीका लागि जाङ्मु र तातोपानी बन्दरगाह चैत २८ देखि बैशाख २ सम्म अस्थायी रूप बन्द रहने पनि दूतावासले जनाएको हो ।