हेलम्बुको वित्तीय प्रगति ८१ प्रतिशत

चालू आर्थिक बर्ष २०७९/८० को अन्त्य हुँदासम्म सिन्धुपाल्चोकको हेलम्बु गाउँपालिकाको वित्तीय प्रगति ८१ दशमलव ०७ पुगेको छ ।

गाउँपालिकाले चालू आर्थिक बर्षका लागि कुल ५२ करोड ५८ लाख ५२० रुपैयाँ विनियोजन भएकोमा ४२ करोड ६३ लाख ९५ हजार ७७० रुपैयाँ खर्च गर्न सकेको हो ।

चालू तर्फ २५ करोड ९० लाख ७ हजार विनियोजन भएकोमा २२ करोड ५४ लाख १८ हजार ६८६ रुपैयाँ खर्च गरि ८७.०३ प्रतिशत वित्तीय प्रगति हासिल गरेको गाउँपालिकाका प्रमुख प्रशासकीय अधिकृत विनोद रोकाले बताए । त्यस्तै पुजिगत तर्फ २६ करोड ६७ लाख ९३हजार ५२०रुपैयाँ खर्च गरि ७५.३३ प्रतिशत प्रगति भएको रोकाले बताए ।