ह्वात्तै घट्यो सुनको भाउ, तोलामा कति?

नेपाल सुनचाँदी व्यवसायी महासँघले एकैदिन सुनको मूल्य ह्वात्तै घटाएको छ । सुनको मुल्य सोमबार तोलामै १५ हजार रूपैयाँले घटेको हो।

महासंघका अनुसार आज मंसीर १० गते सोमबार सुनको भाउ प्रतितोला १ लाख ५१ हजार ३ सय रुपैयाँमा कारोबार भइरहेको छ ।

सुन आइतबार प्रतितोला १ लाख ६७ हजार २ सय रुपैयाँमा कारोबार भएको थियो ।

सरकारले सुनको भन्सार दरलाई २० बाट १० प्रतिशतमा झारेपछि सुनको मूल्यमा असर परेको हो ।