पिता गुमाएका आचार्यलाई भदौरे गणेशको छात्रवृत्ति

चौतारा, १९ माघ ।
अभिभावक गुमाएका बालकलाई भदौरे गणेश सामाजिक संस्थाले छात्रवृत्ति प्रदान गरेको छ । सिन्धुपाल्चोकको चौतारा साँगाचोकगढी नगरपालिका-७ को श्री सिद्धीगणेश माध्यमिक विद्यालयमा अध्ययनरत राकेश आचार्यलाई छात्रवृत्ति प्रदान गरिएको हो ।

चौतारा साँगाचोकगढी-७ , सानोसिरुवारिका आचार्यका पिता टायमप्रसाद आचार्यको मृत्युु भएपछि आर्थिक अभाव झेलिरहेका बालकलाई संस्थाले पाँच हजार रुपैया बराबरको छात्रवृत्ति प्रदान गरेको हो । कक्षा ९ मा अध्ययनरत आचार्यलाई झोला सहित पोशाक, स्वीटर तथा स्टेशनरी सामाग्री दिईएको संस्थाका अध्यक्ष रविन गौतमले बताए ।

विद्यालयको बार्षिकोत्सवको अवसरमा विद्यालयमा नै सो छात्रवृत्ति प्रदान गरिएको हो ।