राप्रपा अध्यक्ष लोहनीको विश्वविद्यालय खोल्न सुझाव

काठमाण्डौ, २० माघ ।

राष्ट्रिय प्रजातन्त्र पार्टीका अध्यक्ष डा. प्रकाशचन्द्र लोहनीले सरकारले पशुपतिनाथ मन्दिरमा सुनको जलारी राख्ने निर्णयको विरोध गरेका छन् । लोहनीले त्यसको सट्टामा बरु बाबा पशुपतिनाथ विश्वविद्यालय खोल्न सुझाव दिएका छन् ।

पशुपति क्षेत्र विकास कोषले करिब १ अर्ब खर्च गरेर १४२ किलोको सुनको जलारी राख्ने निर्णयप्रति लोहनीले सो टिप्पणी गरेका हुन् । बरु त्यसको सट्टामा विश्वविद्यालय खोल्न उनले सुझाएका हुन् । “सुनको जलारी राख्नुको सट्टा बरु बाबा पशुपतिनाथ विश्वविद्यालय खोल्नुस्,” लोहनीले भनेका छन् —“सो विश्वविद्यालयमा देशभरबाट छानीएर आएका गरिब तथा जेहेन्दार विद्यार्थीलाई निःशुल्क अध्यापन गराऔं ।”

लोहनीले पशुपतिनाथ मन्दिरमा भक्तजनले चढाउने भेटीले नै सबै विद्यार्थीलाई निःशुल्क अध्यापन गराउन सकिने तर्क समेत पेश गरेका छन् । यो नै बाबा पशुपतिनाथ प्रतिको सच्चा भक्ति ठहरीने समेत उनले बताए । उनले प्रधानमन्त्री केपी वलीले पशुपतिनाथमा गरेकाे दर्शनकाे भने स्वागत गरेका छन् ।

पछिल्लो समय सरकारको प्रतिगमनकारी निर्णयको विरोध गर्दै सडक संघर्षमा समेत उत्रिएको राप्रपाका केन्द्रिय अध्यक्ष लोहनी वैचारीक एवम् प्रभावशाली नेता मानिन्छन् ।

https://www.facebook.com/prakash.lohani.14/posts/4072697206083120