नेशनल प्याब्सन सिन्धुपाल्चोकमा भारती

४ माघ, चौतारा ।
राष्ट्रिय निजी तथा आवासीय विद्यालय एसोसियसन नेपाल नेशनल प्याब्सन सिन्धुपाल्चोकको नेतृत्वमा दामोदर भारती चयन भएका छन् । सोमबार सुकुटेमा सम्पन्न दोस्रो ऐतिहासिक जिल्ला अधिवेशनबाट भारतीको नेतृत्वमा ७ सदस्यीय कार्यसमिति चयन भएको हो ।

नेशनल प्याब्सन केन्द्रका प्रमुख सल्लाहकार एवम् पूर्व राष्ट्रिय अध्यक्ष कर्ण बहादुर शाहीको प्रमुख आतिथ्यता र नेशनल प्याब्सन बागमती प्रदेश उपाध्यक्ष प्रकाश खड्काको विषेश आतिथ्यता सम्पन्न अधिवेशनले उपाध्यक्ष पदमा निइन्द्र आचार्य, सचिव पदमा सन्त घिमिरे र कोषध्यक्ष पदमा धर्मराज गिरी चयन भएका अध्यक्ष भारतीले बताए ।

अध्यक्ष भारतीले नेशनल प्याब्सनलाई थप मजबुत पार्दै जिल्लाका संस्थागत विद्यालयहरूको हकहितमा निरन्तर लागिरहने प्रतिबद्धता त्यक्त गरेका छन् ।