सिद्धीगणेश विद्यालय व्यवस्थापनमा रविन

१८ माघ, चौतारा ।

चौतारा साँगाचोकगढी नगरपालिका वडा नं. ७ को श्री सिद्धीगणेश माध्यामिक विद्यालयको व्यवस्थापन समितिका अध्यक्षमा रविन गौतम निर्वाचित भएका छन् । सोमबार सम्पन्न अभिभावक भेलाले गौतमको अध्यक्षतामा नयाँ समिति चयन गरेको हो ।

वडाअध्यक्ष उमाप्रसाद दुलालको अध्यक्षतामा सम्पन्न अभिभावक भेलाबाट विव्यस सदस्यहरूमा राजकुमार दुलाल, सरिता धिताल, मन्दिरा नेपाल निर्वाचित भएका हुन् भने गणेश बहादुर श्रेष्ठ र सोममाया श्रेष्ठ मनोनित भएका हुन् ।

विद्यालयको शिक्षक अभिभावक सङ्घमा भने अध्यक्ष बाहेक सदस्यहरू निर्वाचित भएका छन् । अध्यक्ष पदमा सहमति जुट्न नसक्दा सदस्यहरूमा भने दिनेश दुलाल, अम्बिका थापामगर, हरिप्रसाद नेपाल र सीतादेवी श्रेष्ठ निर्वाचित भएका छन् । अध्यक्ष पदमा भने सहमतिपछि मात्रै जिम्मेवारी हस्तान्तरण गरिने विद्यालयका प्रधानाध्यापक राजकुमार यादवले बताए ।