स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०७९ फागुन २८, आईतबार (६ महिना अघि)
सिन्धुपाल्चोकको चौतारा बजारमा रहेको जुगल बोर्डिङ हाइस्कुुलले जुगल शिक्षा सम्मानबाट पुर्ण गौतम र जुगल साहित्य सम्मानबाट चन्द्रप्रसाद न्यौपानेलाई सम्मानित गर्ने भएको छ । भोलि सोमबार हुने स्कुलको ३३औं वार्षिकोत्सब समारोहमा उनिहरुलाइ सम्मान गर्ने स्कुलका प्रिन्सिपल ओमप्रकाश उप्रेतीले बताए ।
गौतम हेलम्बु गाँउपालिकास्थित मेलम्चीघ्याङ माध्यमिक विद्यालयका प्रधानाध्यापक हुन् । विकट गाउँमा आवासीय सामुदायिक विद्यालयबाट उत्कृष्ट शिक्षा प्रदान गरिरहेका श्रेय गौतमलाई जान्छ । उक्त विद्यालय जिल्लाकै उत्कृष्ट विद्यालय बनाउन उनले गरेका काम प्रशंसनीय छन् ।
चन्द्रयुग महाकाव्यका रचयिता न्यौपानेका ३ दर्जन बढि साहित्यिक कृति प्रकाशित छन् । उनका सिर्जना विद्यालयका पाठ्यक्रममा समेत समावेश छन् भने उनको महाकाव्य चन्द्रयुग विश्वका ठुला पुस्तकहरुमध्येमा पर्छन् ।
कार्यक्रममा सिन्धुपाल्चोक प्रतिनिधि सभा १ बाट प्रतिनिधिसभा सदस्य माधव सापकोटा प्रमुख अतिधिको रुपमा र राष्ट्रिय खेलाडी दिपक विष्ट र गायक रामकृष्ण ढकाल प्रमुख आकर्षणको रुपमा रहने प्रिन्सिपल उप्रेतीले बताए ।
0
