डिजिटल सिकाइका लागि इष्ट प्वाइन्टलाई १० थान कम्प्युटर सहयोग

 सिन्धुपाल्चोकको हेलम्बु गाउँपालिकामा रहेको इष्ट प्वाइन्ट एकेडेमीका लागि गुड ह्याण्डस् ले १० थान कम्प्युटर सहयोग गरेको छ । हेलम्बु क्षेत्रका ५ सय जना भन्दा धेरै विद्यार्थी अध्ययनरत सो विद्यालयमा डिजिटल सिकाइमा सहयोग पु¥याउन उक्त सामग्री प्रदान गरिएको हो ।

आज विद्यालयमा आयोजित समारोहमा संस्थाले १० थान कम्प्युटर सहयोग गरेको हो । संस्थाले गरेको उक्त सहयोगका लागि विद्यालयका प्रिन्सिपल दामोदर भारतीले धन्यवाद व्यक्त गरे ।

संस्थाले विद्यालयलाई २०७८ को मेलम्ची बाढीको समयमा टेन्ट का साथै अस्थायी सिकाइ केन्द्र निर्माण गर्न पनि १ लाख रुपैयाँ सहयोग गरेको संस्थाका अध्यक्ष दावा लामाले बताए । संस्थाले गत वर्ष पनि विद्यालयका सबै बालबालिकाहरूलाई न्यानो स्विटर वितरण गरेको थियो । लामाले सामाजिक अभियन्ताको रुपमा हेलम्बु मात्र नभई देशका विभिन्न भागमा शिक्षा विकासमा महत्वपूर्ण भूमिका निर्वाह गरिरहेका छन् ।