सानोसिरुवारीमा १सय ३० जनाको निशुल्क स्वास्थ्य परिक्षण

सिन्धुपाल्चोकको चौतारा साँगाचोकगढी ७, सान‍ोसिरुवारिमा १ सय ३० जना को निशुल्क स्वास्थ्य परिक्षण गरिएको छ । चौतारा साँगाचोकगढी नगरपालिकाको स्वास्थ्य शाखाको आयोजनामा सान‍ोसिरुवारी स्वास्थ्य चौकिमा आयोजित जेष्ठ नागरिक क्लिनिकमा ७८ जना महिला र ५२ जना पुरुषको स्वास्थ्य परिक्षण गरी औसधि समेत वितरण गरिएको हो ।

क्लिनिकमा उच्च रक्तचापका १३ जना बिरामीको स्वास्थ्य परिक्षण गरिएको थियोे भने १ सय १८ जनाको रगत परिक्षण गर्दा ६ जनामा चिनिरोग देखिएको स्वास्थ्य चौकीकी ईन्चार्ज सविना सापकोटाले बताईन् । १ सय ८ जनाको आँखा परिक्षण गर्दा ७ जनामा मोतिबिन्दु देखिएको थियो भने ५ बर्ष भन्दा मुनिको २५ जना बच्चाहरुको वृद्धि अनुगमन समेत गरिएको थियो ।

चौतारा साँगाचोकगढी नगरपालिकाका प्रमुख कृष्णप्रसाद सापकोटा र उपप्रमुख सीता थापाको उपस्थितिमा भएको उक्त कार्यक्रममा भदौरे गणेश सामाजिक संस्थाले स्वास्थ्य चौकीलाई १० थान कुर्सी समेत हस्तान्तरण गरेको थियो ।