कोभिडका कारण ७३ बर्षीय महिलाको मृत्यु

पछिल्लो समय कोरोना भाइरसका कारण लाग्ने कोभिड १९ को संक्रमण बढ्न थालेको छ । कोभिडकै कारण  आजै एकजना महिलाको मृत्यु समेत भएको छ ।

आइतबार कैलालीको धनगढीस्थित सेती प्रादेशिक अस्पतालमा कोभिड सङ्क्रमित महिलाको मृत्यु भएको हो । जिल्ला प्रशासन कार्यालय कैलालीका सूचना अधिकारी शिवराज जोशीका अनुसार कञ्चनपुरको भीमदत्त नगरपालिकाकी ७३ वर्षीया महिलाको कोरोना सङ्क्रमणबाट मृत्यु भएको हो। उनको आइतबार बिहान साढे ८ बजे अस्पतालको सघन उपचार कक्ष (आइसियु) मा मृत्यु भएको उनले बताए।

मुटुको बिरामी रहेको महिलामा चैत २६ गते कोरोना भाइरसको सङ्क्रमण पुष्टि भएको थियो।