४० लिटरको ६ सय थान सिलिन्डर तातोपानीमा

४ जेठ, तातोपानी ।

हिजो २५ सय थान १० लिटर क्षमताको अक्सिजन सिलिन्डर भित्रिएको तातोपानी नाकामा आज ६ सय थान ४० लिटर क्षमताको सिलिन्डर भित्रीएको छ ।
सिल्क ट्रान्सपोर्टले ढुवानी गरेको यी सिलिन्डरहरु पनि नेपा हिमा ट्रेड लिङ्कले आयात गरेको हो ।

चिनबाट आजै दुईवटा कन्टेनरमा ६ सय थान अक्सिजन सिलिन्डर तातोपानी भन्सार कार्यालय आईपुगेको हो । भन्सार प्रकृया सकेर ती सिलिन्डर पनि आजै काठमाडौं पठाईने तातोपानी भन्सार कार्यालयका प्रमुख भन्सार अधिकृत नारद गौतमले बताए । ‘तातोपानी भन्सार कार्यालयको आग्रहमा चिनियाँ क्षेत्रबाट स्वास्थ सामाग्री क्युमा बस्नु नपर्ने गरि आउन पाउने व्यवस्था मिलाईएको छ ।’ प्रमुख गौतमले भने- ‘जसले गर्दा यो विषम परिस्थितिमा अरु सामाग्रीको तुलनामा छिट्टै हाम्रो भन्सार कार्यालयमा आइपुग्छन् ।’ यसबाट नेपालमा फैलिएको कोरोना महामारीमा परेका जनताको स्वास्थ्य उपचारमा महत्त्वपूर्ण भुमिका खेल्ने अपेक्षा गरिएको उनले बताए ।

नेपाल सरकारले १८ हजार थान अक्सिजन सिलिन्डर चिनबाठ अनुदानमा ल्याउने भनेपनि सो आउन सकेको छैन । तर निजि क्षेत्रले भने सिलिन्डर सहित अन्य स्वास्थ्य सामाग्री भित्र्याइरहेका छन् ।