यी हुन् सिन्धुपाल्चोकमा कम मतान्तरले विजेता हुनेहरु

स्थानीय तह सदस्य निर्वाचन २०७९ सम्पन्न भइ अन्तिम मतपरिणम समेत आइसकेको छ । अन्तिम पतपरिणामपछि निर्वाचित भएका उम्मेदवारहरुले समथ ग्रहण पश्चात पदवहाली समेत गरिसकेका छन् । यस निर्वाचनमा केही स्थानमा झिनो मतान्तरले हारजित भएको छ ।

सिन्धुपाल्चोकको १२ पालीका मध्ये सबैभन्दा कम अथार्त ९३ मतान्तरले मेलम्ची नगरपालिकाका मेयर पदमा नेपाली कांग्रेसका आइतमान तामाङले जित निकालेका छन् । उनका निकटतम प्रतिद्धन्दी नेकपा एमालेका बालकृष्ण देउजाले ११ हजार १ सय ६५ मत ल्याउँदा तामाङ ११ हजार २ सय ५८ मतका साथ विजयी भएका हुन् । काँग्रेस राप्रपा गठबन्धनका मेयर बनेका तामाङ सो पदमा विजयी भएपनि राप्रपाबाट उपमेयर भएकी कुमारी तामाङ भने पराजित बन्न पुगिन् ।

सिन्धुपाल्चोकको हेलम्बु ६ मा नेपाली कांग्रेसका सुकुराम तामाङलाई एमालेका उम्मेदवार सञ्चबहादुर तामाङले ४९ मतले पराजित गरे । सुकुरामले ७५८ मत ल्याँउदा सञ्चबहादुरले ८०७ मत ल्याएर वडाध्यक्ष पदमा विजयी भए । इन्द्रावती गाउँपालिका २ मा नेपाली कांग्रेसका उम्मेद्वार श्यामबहादुर गिरीले नेकपा एमालेका उम्मेदवार रामशरण गिरीलाई ४२ मतान्तरले पछाडी पारे । श्यामबहादुरले ५६४ मत ल्याँउदा रामशरणको ५२२ मत आयो ।

सुनकोशी गाउँपालिका ६ मा एमालेका चक्रबहादुर बस्नेतले कांग्रेसका रामकुमार थापालाई ४४ मतान्तरले पछि पारे । बस्नेतले १३९६ मत ल्याँउदा थापाले १३५३ मतमा चित्त बुझाउनुप¥यो । लिसंखुपाखर गाउँपालिका १ मा माओवादीका पाशाङलाल तामाङले एमालेका प्रवल लामालाई ३६ मतले हराए । तामाङले ४८७ मत ल्याउँदा लामाको ४५१ मत मात्रै आयो ।

बलेफी गाउँपालिका वडा नं. २ मा भने गोलाप्रथाबाट निर्णय लिइएको छ । नेपाली कांग्रेसका छविलाल न्यौपाने र नेकपा माओवादी केन्द्रका पुरुषोत्तम सापकोटाको समान ४९५ मत आएपछि गोलाप्रथाबाट न्यौपाने विजयी भए । बलेफी ६ मा एमालेका तेजप्रसाद पराजुलीले माओवादीका चित्रबहादुर तामाङलाई १ मतले पछाडी पार्दै वडाध्यक्ष पदमा निर्वाचित भए । पराजुलीको ५८८ मत आँउदा तामाङको ५८७ मत आयो । बलेफी कै वडा नं. ७ मा कांग्रेसका गृविन्द्रकुमार चौलागाईंले एमालेका कार्केल लामालाई ४७ मतले पछी पारे । चौलागाईंको ६१८ मत आँउदा लामाको ५७१ मत आयो ।

भोटेकोशी गाउँपालिका ३ मा पनि झिनो मतान्तरले स्वतन्त्र उम्मेद्वारले जित निकालेका छन् । स्वतन्त्र उम्मेद्वार निमा सोना शेर्पाले २८६ मत ल्याँउदा कांग्रेसका काजी शेर्पाले २८३ मत प्राप्त गरी ३ मतले पराजित भए । भोटेकोशी कै वडा नंं ४ मा एमाले उम्मेदवार टासी शेर्पाले कांग्रेसका आङछिरीङ शेर्पालाई ३६ मतान्तर पारे । एमाले उम्मेदवारले ७७७ मत ल्याँउदा कांग्रेस उम्मेदवारको ७४१ मत ल्याए ।

जुगल गाउँपालिका १ मा पनि ७ मतान्तरले नेपाली कांग्रेसका जनक लामा विजयी भए । जनकले ५८४ मत ल्याउँदा नेकपा एकीकृत समाजवादीका कमल थापाले ५७७ मत आयो । जुगलकै वडा नं. २ मा एमालेका चन्द्रकाजी लामाले पनि माओवादीका प्रताप लामालाई ९ मतान्तरले पछाडी पारेका हुन् । चन्द्रकाजीले ६१२ मत पाँउदा प्रतापको ६०३ मत आयो । जुगलकै वडा नं ५ मा एमालेका रविन्द्र घिमिरेले माओवादीका मिनबहादुर श्रेष्ठलाई १५ मतान्तरले पछाडी पारे । घिमिरेको ६६३ मत आयो भने श्रेष्ठको ६४८ मत आयो ।

पाँचपाखरी थाङपाल गाउँपालिका ५ मा पनि एमालेका काले गोलेले कांग्रेसका रवि थिङलाई १४ मतले पछाडी पारे । गोलेको ४७१ मत आँउदा थिङले ४५७ मत पाए । पाँचपोखरी कै वडा नं. ८ मा एमालेका विष्णुबहादुर खड्काले माओवादीका फुर्पा लामालाई १५ मतले पिर पारे । खड्काको ५२३ मत आँउदा लामा ५०८ मत ल्याएर पछि परेका हुन् ।

मेलम्ची नगरपालिका ३ मा एमालेका कुमार बञ्जराले कांग्रसका राजेश लामालाई ४४ मतान्तरले विजयी भए । बञ्जराको ५०७ आँउदा लामाले ४६३ मतमा चित्त बुझाउनुप¥यो । मेलम्ची ११ मै एमालेका चन्द्रबहादर तामाङले माओवादीका सुदर्शन सापकोटालाई ४७ मतले पछाडी पारे । तामाङको ११८२ मत आँउदा सापकोटाले ११३६ मत पाए ।

चौतारा साँगाचोकगढी नगरपालिका वडा नं. १ मा एमालेका सानुकान्छा श्रेष्ठ नेकपा एकिकृत समाजवादीका युवलाल श्रेष्ठले ३६ मतले पछाडी पारे । सानुकान्छाले ५९३ मत ल्याँउदा युवलालले ६३० मत ल्याएर विजयी भए । चौताराकै वडा नं. ८ मा कांग्रेसका अमृतबहादुर दंगालले माओवादीका रामकृष्ण दंगाललाई ८ मतले पछाडी पार्दै जित आफ्नो पक्षमा पारे । अमृतले ६८८ मत ल्याँउदा रामकृष्णले ६८० मत ल्याए । चौतारा १४ मा एमालेका उद्दव नेपालले माओवादीका बलबहादुर तामाङलाई २१ मतले पछाडी पारे । नेपालको ६८६ मत आँउदा तामाङले ६६५ मत पाए ।