थुम्पाखर बस दुर्घटनामा १९ घाइते, १को अवस्था गम्भीर(नाम सहित)

खाडीचौर, २० माघ ।

थुम्पाखरमा भएको बस दुर्घटनामा १९ जना घाइतेको पहिचान खुलेको छ । दोलखाको सिंगटीबाट काठमाडौ जाँदै गरेको रोल्वालीङ यातायात को यात्रुबाहक बस सुनकोशी गाउँपालिकास्थित ११ किलोमा दुर्घटना भएको थियो । लामोसाघु जिरी सडक खण्डमा बा २ ख २७८९ नम्बरको बस दुर्घटना भएको हो ।

घाईते मध्ये बलेफी गाँउपालिका ६ का वर्ष ३७ का सिताराम थापाको अवस्था गम्भीर रहेकोले उनलाई थप उपचारको लागि काठमाण्डौ पठाउने तयारी भइरहेको जिल्ला प्रहरी कार्यालयका प्रहरी नायव उपरिक्षक प्रकाश सापकोटाले बताए । उनको ढाडमा चोट लागेको सिन्धु सदावहार अस्पतालले जनाएको छ ।

बाँकी १८ जनाको भने खाडीचौर स्थित सिन्धु सदावहार अस्पतालमा उपचार भइरहेको छ । तिव्र गतिमा आएको बस सडक छेउमा पल्टिएको हो । चालक फरार रहेका छन् ।

घाइतेको नामावलीः

1. शंकर नेपाली, गोकुलगंगा—४, रामेछाप
2. सितारामा थापा, बलेफी—६, सिन्धुपाल्चोक
3. जंग बहादुर ठकुरी, विगु—३, दोलखा
4. भक्त बहादुर तामाङ, विगु—४, दोलखा
5. रोहीत क्षेत्री, विगु—४, दोलखा
6. रोशन थामी, कालिन्चोक—६, दोलखा
7. सर्द थामी, भि.न.पा.—७, दोलखा
8. विन्दु लामा, सुनापाती—४, रामेछाप
9. पासाङ तामाङ, चागुनारायण नपा, भक्तपुर
10. पदम बहादुर श्रेष्ठ, गौरीशंकर—८, दोलखा
11. बल बहादुर तामाङ, विगु—४, दोलखा
12. करिश्मा नेपाली, विगु—४, दोलखा
13. मनिता नेपाली, विगु—४, दोलखा
14. तारा थापा, कालिञ्चोक—५, दोलखा
15. शुसीला खड्का, विगु, दोलखा
16. शर्मिला ठकुरी, विगु—४, दोलखा
17. शर्मीला नेपाली, गोकुलगंगा—४, रामेछाप
18. निर्माया तामाङ, चागुनारायण नपा, भक्तपुर
19. पार्वती लामा, गौरीशंकर—८, दोलखा