बागमती प्रदेशसभा वैठक फेरि स्थगित

हेटौंडा , ५ फागुन ।

बागमती प्रदेशसभाको बैठक सुचना टाँस गरि स्थगित गरिएको छ । आज दिउँसो २ बजेको लागि बोलाईएको बैठक विशेष कारण भन्दै सुचना टाँस गरि स्थगित गरिएको हो ।

बागमती प्रदेश सभामा मुख्यमन्त्री विरुद्ध अविश्वासको प्रस्ताव पेश गरिएको छ । पुस ५ गते सरकारले प्रतिनिधि सभा विघटन गरेपछि बागमती प्रदेशमा ३ जना मन्त्रीले सामुहिक राजिनामा दिदै पुस ७ गते मुख्यमन्त्री विरुद्ध अविश्वासको प्रस्ताव पेश गरेका थिए । त्यसपछि बागमती प्रदेशसभाको बैठक बस्न सकेको छैन ।

लामो गृहकार्य पछि आज दिउँसोको लागि बोलाईएको वैठक प्रदेशसभाका सभामुखले अर्को सुचना नभएसम्मका लागि बैठक स्थगित गरेका हुन् ।