पत्रकारको निर्वाचन चैत २५ गते

काठमाण्डौ, ४ चैत ।

नेपाल पत्रकार महासंघको निर्वाचन आगामी चैत २५ गते हुने भएको छ । महासंघको आज बसेको निर्वाचन समितिको बैठकले यस्तो निर्णय गरेको हो ।

गत फागुन ५ गते सम्पन्न महासंघको साधारण सभाले निर्वाचन समिति गठन गरी निर्वाचन सम्बन्धि सम्पुर्ण अधिकार समितिलाई नै दिएको थियो । सोही अनुसार आज बसेको निर्वाचन समिति र महासंघको संयुक्त बैठकले यस्तो निर्णय गरेको हो । २५ गते निर्वाचन गर्ने गरी चैत ७ गते निर्वाचन कार्याक्रम सार्वजनीक गर्ने निर्णय गरिएको बैठकमा सहभागी एक सदस्यले बताए ।

महासंघको नयाँ नीति अनुसार केन्द्र, प्रदेश र जिल्ला तथा सबै एसोसिएटहरुको निर्वाचन एकैदिन हुनेछ । हरेक जिल्ला तथा एसोसियटका साधारण सदस्यले पनि सबै समितिका सदस्य तथा पदाधिकारीलाई मत दिन पाउनेछन् ।

नयाँ निर्वाचन तालिका अनुसार केन्द्रिय समितिका सदस्य तथा पदाधिकारीले १५ दिन अघि, प्रदेशले ७ दिन अघि र जिल्लाले ३ दिन अघि मनोनयन दर्ता गर्नुपर्नेछ । त्यसपछि एकैदिनसबै मतदानकेन्द्रमा एकैदिन मतदान हुनेछ । सोही दिन सम्बन्धित मतदानस्थलमा नै मत गनेर संख्या मात्रै प्रदेश तथा केन्द्रिय निर्वाचन समितिलाई पठाइनेछ ।

यो पत्रकार महासंघको इतिहाँसमा नै पहिलो अभ्यास समेत हो ।