सरेश नेपालसहित ४ मन्त्रीको सपथग्रहण

१५ वैशाख, हेटौंडा ।

बागमती प्रदेशको पुनर्गठित मन्त्रीपरिषद्मा सिन्धुपाल्चोकका सरेश नेपालले उद्योग, पर्यटन, वन तथा वातावरण मन्त्रालयको जिम्मेवारी पाएका छन् । उनीसँगै अन्य ३ जनाले समेत पद तथा गोपनियताको सपथग्हण गर्दैैछन् ।

सिन्धुपाल्चोक प्रतिनिधि सभा १ प्रदेश सभा ख बाट बागमती प्रदेश सभामा प्रतिनिधित्व गरेका प्रदेश साँसद सरेश नेपाल बागमती प्रदेशको उद्योग , पर्यटन , वन तथा वातावरण मन्त्री बन्ने भएका छन् । उनीसँगै दोलखाकी सरस्वती बस्नेतले सामाजिक विकास मन्त्रालय र नुवाकोटका केशवराज पाण्डेले आन्तरीक मामिला तथा कानुन मन्त्रालयको मन्त्री को जिम्मेवारी पाएका छन् । उनीहरुसँगै धादिङका डा. रामकुमार अधिकारीले भने सामाजिक विकास मन्त्रालयको राज्यमन्त्रीको जिम्मेवारी पाएका छन् ।