स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०७८ बैशाख २३, बिहिबार (३ साल अघि)
२३ बैशाख, चौतारा ।
गत मंगलबारबाट सिन्धुपाल्चोक जिल्लाबासीको लागि खुलेको मध्यभोटेकोसी जलविद्युत कम्पनीको प्राथमिक शेयर (आइपिओ) स्थगित भएको छ । सिन्धुपाल्चोकको जिल्ला प्रशासनले जिल्लाभर लकडाउन गरेर सर्वसाधारण बैंकसम्म जान नसक्ने भएपछि आयोजनाले शेयर स्थगित गरेको हो ।
सिन्धुपाल्चोक जिल्लामा आजदेखि निषेधाज्ञा जारी भएकाले आइपिओ तत्काललाई स्थगित गर्ने निर्णय भएको बिक्री प्रवन्धक ग्लोबल आइएमई क्यापिटलले जनाएको छ ।
‘आजसम्म आइपिओ भर्नेहरुले पछि फेरि भर्नु पर्दैन’ क्यापिटलका एक अधिकारीले भने ‘अवस्था केही मत्थर भएपछि फेरि निष्कासन गर्नेछौं ।’
स्थानीयका लागि आइपिओ बिक्री प्रक्रिया ढिला हुने भएपछि सर्वसाधारणका लागि खुल्न पनि ढिला हुने भएको छ । धितोपत्र बोर्डबाट स्वीकृति पाएको २ महिनाभित्र प्रभावित र सर्वसाधारण सबैका लागि आइपिओ निष्कासन गर्नुपर्ने कानुनी व्यवस्था छ । यदि निषेधाज्ञा लम्बिँदै गएमा यसमा बोर्डले सहजीकरण गर्नुपर्नेमा ती अधिकारीले जोड दिए ।
आयोजना प्रभावित क्षेत्रका स्थानीयबासीका लागि १८ लाख कित्ता र प्रभावित क्षेत्रबाहेक सिन्धुपाल्चोक जिल्लाका अन्य क्षेत्रमा बसोबास गर्ने बासिन्दाको लागि ४२ लाख कित्ता आइपिओ खुलाइएको थियो ।
0
