ह्याम्स अस्पतालले निशुल्क कोरोना परिक्षण गर्ने

२६ बैशाख, चौतारा ।

ह्याम्स अस्पताल काठमाडौंले सिन्धुपाल्चोकका नागरिकको निशुल्क क‍ोरोना परिक्षण गर्ने भएको छ । सिन्धुपाल्चोक जिल्ला कोभिड १९ संकट व्यवस्थापन समितिले गरको आज गरेको निर्णय अनुसार अस्पतालले सिन्धुपाल्चोकमा संकलन भएका नमुनाको निशुल्क परिक्षण गर्ने भएको हो ।

यसअघि सिन्धुबासिको स्वाबको नमुना प्रदेशले तोकेको धुलिखेल अस्पतालमा परिक्षण भईरहेको थियो । धुलिखेलमा परिक्षण गर्दा धेरै समय लाग्ने र सरकारि मापदण्ड अनुसारको मात्रै परिक्षण हुँदा कम संख्यामा मात्रै नमुना परिक्षण हुँदै आएको थियो । ‘ अब भने हामी फराकिलो दायरामा रहेर नमुना परिक्षण गर्न सक्छौं ‘ बैठकमा सहभागी एक सदस्यले भने-‘ जसले गर्दा जिल्लामा इच्छुक धेरेेको नमुना परिक्षण गर्न सकिन्छ ।’

यससँगै जिल्लामा कन्ट्याक्ट् ट्रेसिङमा परेका तथा जोखिममा रहेका व्यक्तिहरुको स्वाब नमुना संकलन तथा परिक्षण गर्न सहज हुनेछ । नमुना संकलज गर्नको लागि स्वास्थ्यकर्मी समेत अस्पतालबाट नै सिन्धुपाल्चोक आउनेछन् ।