मेलम्ची बाढीमा वेपत्ता थप १ जनाको शव फेला

६ असार, मेलम्ची ।
मेलम्ची बाढीमा परि हराइरहेका मध्ये १ जनाको शव फेला परेको छ । बाढीमा परि वेपत्ता भएकाल पाँचपोखरी थाङपाल गाँउपालिका २ का ६३ वर्षीय ठकुरी स्याङ्बोको शव पहिचान भएको हो ।

स्याङ्बोको शव दुइ दिन अगाडी नै रामेछापको खाँडादेवि गाँउपालिका ४, पुछिघाटस्थित सुनकोशी नदिमा फेला परेको थियो । त्यतीबेला वेपत्ता सुचीमा समेत नरहेका उनको हिजो ढिला गरी पहिचान भएको हो । पाँचपोखरी थाङ्पाल गाँउपालिकाले बेपत्ताको सुची र रामेछाप प्रहरीले तस्बिर पठाएपछि परिवारले शव पहिचान गरेको जिल्ला प्रशासन कार्यालय सिन्धुपाल्चोकका सहायक प्रमुख जिल्ला अधिकारी बाबुराम खनालले बताए ।

यससँगै सो बाढीमा मृत्यु हुनेको सँख्या ४ पुगेको छ भने अझै २१ जना वेपत्ता छन् ।