स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
२२ साउन, बाह्रविसे । ४ दिनदेखि बाह्रबिसे ईलाका प्रहरीको हिरासतमा रहेका बसेला तामाङको उपचारका क्रममा लाँदालाँदै मृत्यु भएको खबर प्राप्त भएको छ । तामाङ सहकारी चोरी गरेको आरोपमा प्रहरीले गएको १८ गते बेलुका पक्राउ गरि हिरासतमा राखिएको थियो । उनी बाह्रबिसे नगरपालिका ७ थगामका हुन् ।
अनुसन्धानका लागि हिरासतमा भएको व्यक्तिको यसरी रहस्यमय ढंगले मृत्यु भएपछि आफन्तजनले प्रहरी माथी गम्भीर आरोप लगाएका छन् । मृतकका आफन्तले प्रहरीले कुटपिट गरि मारेको आरोप लगाएका छन् ।
यस विषयमा ईलाका प्रहरी कार्यालय बाह्रबिसेका अनुसार आरोपीत तामाङको स्वास्थ्य अवस्था खराब रहेकोले उनकै आफन्तलाई साथमा राखी अस्पताल पठाएकोमा अस्पताल पुग्दा मृत्यु भएको खबर प्राप्त भएको बताए । “प्रहरी हिरासतमा उनको मृत्यु भएको हैन, उपचारका लागि धुलिखेल अस्पताल पठाएकोमा उनको मृत्यु भएको हो । प्रहरीले कुनै कुटपिट गरेको छैन, प्रमाण स्वरुप सिसिटिभी फुटेज समेत सुरक्षित छ ।” प्रहरी भन्छन् ।
तामाङको मृत्युको वास्तविकता बारे बुझ्न जिल्ला प्रहरी कार्यालयबाट डिएसपीको टोलि बाह्रबिसे पुगेको छ । सो टोलिले प्रारम्भिक अनुसन्धान गरिरहेको प्रहरी श्रोतबाट जानकारी प्राप्त भएको छ । जन्मभुमिपोस्टबाट
सिन्धुपाल्चोक, नेपाल
समाचार सम्पर्क ९८५११५३५४५
विज्ञापनको लागि ९८४१९८९९४१
सूचना विभाग दर्ता नम्बर: २४४३/०७७-७८
स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।