पहिरोमा पुरिएर एकै परिवारका तीन जनाको मृत्यु

६ असाेज, काठमाण्डाैं

मंगलबार राति अविरल वर्षासँगै गएको पहिरोमा पुरिएर एकै परिवारका तीन जनाको मृत्यु भएको छ।

गुल्मीकाे रेसुङ्गा नगरपालिका वडानम्बर-८ खानिगाउँ थुम्का लाइन बस्ने २१ वर्षकी भावना परियार, १४ वर्षकी गंगा परियार र १४ वर्षकी जमुना परियारको मृत्यु भएको जिल्ला प्रहरी कार्यालय गुल्मीले जनाएको छ। पहिरोले एकतले पक्की घर पुरिएपछि बीचको कोठामा सुतेका तीन बहिनीको मृत्यु भएको हो। नेपालन्युजबाट